இளம் பெண் பலாத்கார வழக்கில் பாஜக எம்எல்ஏ குல்தீப் சிங் கைது

இளம் பெண் பலாத்கார வழக்கில்   பாஜக எம்எல்ஏ குல்தீப் சிங் கைது
உத்தர பிரதேசத்தில் இளம் பெண் பலாத்கார வழக்கில் குற்றம்சாட்டப்பட்டுள்ள பாஜக எம்எல்ஏ குல்தீப் சிங் செங்கரை சிபிஐ அதிகாரிகள் நேற்று கைது செய்தனர்.

உத்தரபிரதேச மாநிலம் உன் னாவ் மாவட்டத்தில் உள்ள பங்கர்மாவ் தொகுதி பாஜக எம்எல்ஏ குல்தீப் சிங் செங்கர். இவரும் அவரது சகோதரர் அனில் சிங்கும் தன்னை பலாத்காரம் செய்ததாக 17 வயது இளம் பெண் ஒருவர் காவல் நிலையத் தில் புகார் அளித்தார்.

அதனால், அந்தப் பெண்ணின் தந்தை பப்புவை குல்தீப் சிங்கும் அனில் சிங்கும் தாக்கியதாகத் தெரிகிறது. ஆனால் போலீஸார், தாக்குதலுக்கு ஆளான பப்புவை கைது செய்தனர்.

இந்நிலையில், சிறையில் பப்பு மர்மமாக உயிரிழந்தார். இந்தச் சம்பவம் பெரும் அதிர்வலைகளை ஏற்படுத்தியது.

இந்தப் பின்னணியில், பலாத்கார வழக்கு தொடர்பாக, எம்எல்ஏ குல்தீப்பின் சகோதரர் அனில் சிங்கை போலீஸார் அண்மை யில் கைது செய்தனர்.


எம்எல்ஏ குல்தீப் சிங் மீதும் போலீஸார் நேற்று முன்தினம் வழக்கு பதிவு செய்தனர். எனினும், இந்த வழக்கை உத்தர பிரதேச அரசு சிபிஐ வசம் ஒப்படைத்தது.

இதையடுத்து, வழக்கு தொடர் பாக நேற்று முன்தினம் மாலை சிபிஐ தனது விசாரணையைத் தொடங்கியது. பின்னர் நேற்று அதிகாலை குல்தீப் சிங் வீட்டுக்குச் சென்ற சிபிஐ அதிகாரிகள், அவரை லக்னோவுக்கு அழைத்துச் சென்றனர்.

அங்கு பல மணி நேரம் விசாரணை நடத்தப்பட்டது. இதனைத் தொடர்ந்து, அவர் கைது செய்யப்பட்டதாக சிபிஐ அதிகாரிகள் நேற்று இரவு அறிவித்தனர்.

இந்நிலையில், இந்த விவகாரம் குறித்து பிரதமர் நரேந்திர மோடி நேற்று கருத்து தெரிவித்தார். டெல்லியில் அம்பேத்கர் நினைவு இல்லம் திறப்பு நிகழ்ச்சியின்போது அவர் பேசியதாவது:

நாகரீகமிக்க ஒரு சமூகத்தில் இதுபோன்ற சம்பவங்கள் நடைபெறுவதை ஒருபோதும் ஏற்க முடியாது. இந்த சம்பவங்கள் நம்மை வெட்கி தலைகுனிய வைக்கின்றன.

பெண்களுக்கு எதிரான குற்றங்களில் ஈடுபடுவோர் யாரும் சட்டத்தின் பிடியிலிருந்து தப்ப முடியாது என்பதை நாட்டு மக்களுக்கு உறுதியாகக் கூறிக் கொள்கிறேன். நமது பெண்களுக்கு நியாயமான நீதி கிடைக்கப்பெறும். இவ்வாறு மோடி உறுதியளித் தார்.

https://goo.gl/uZYkk4






27 Feb 2019

போர் பதற்றம்- காஷ்மீரில் பள்ளிகள், விமான நிலையங்கள் மூடல்

27 Feb 2019

பாகிஸ்தானின் போர் விமானத்தை சுட்டு வீழ்த்தியது இந்திய ராணுவம்- எல்லையில் தொடரும் பதற்றம்

26 Feb 2019

இந்திய எல்லைப் பகுதியில் உஷார் நிலையில் இருக்க பாதுகாப்புத்துறை அறிவுறுத்தல்

26 Feb 2019

பாகிஸ்தானில் இந்திய ராணுவம் நடத்திய தாக்குதல்: விமானப் படைக்கு குவியும் வாழ்த்துகள்

26 Feb 2019

எல்லை கட்டுப்பாடு பகுதியில் பயங்கரவாத முகாமை வெடிகுண்டு வீசி அழித்தது இந்திய விமானப்படை

19 Feb 2019

புல்வாமா தாக்குதலில் பலியான வீரரின் மகளைத் தத்தெடுத்த நெகிழவைத்த பிஹார் ஐஏஎஸ் அதிகாரி

19 Feb 2019

தேசவிரோத சட்டத்தில் 12-ம் வகுப்பு மாணவர் கைது - சமூக ஊடகங்களில் சர்ச்சைக் கருத்து

15 Feb 2019

பயங்கரவாதத்தை எதிர்ப்பதில் அரசுக்கு ஆதரவாக அனைவரும் ஒன்றிணைவோம் - ராகுல்காந்தி

15 Feb 2019

மாபெரும் தவறை செய்து விட்டனர், மிகப்பெரும் விலையை கொடுப்பார்கள்; பிரதமர் மோடி கடும் எச்சரிக்கை

15 Feb 2019

காஷ்மீரில் 44 ராணுவ வீரர்கள் பலி- இதுவரை நடக்காத மிகப்பெரிய தாக்குதல்