உலுக்கும் நிபா வைரஸ்: கேரளாவில் நோயாளிக்கு சிகிச்சை அளித்த நர்ஸ் உயிரிழப்பு

உலுக்கும் நிபா வைரஸ்: கேரளாவில் நோயாளிக்கு சிகிச்சை அளித்த நர்ஸ் உயிரிழப்பு
கேரள மாநிலத்தில் நிபா வைரஸ் பரவியுள்ளதை புனேயில் உள்ள தேசிய வைரலாஜி சோதனைக்கூடும் உறுதி செய்துள்ளது. நிபா வைரஸால் பாதிக்கப்பட்டவர்களுக்கு சிகிச்சை அளித்து வந்த செவிலியர் ஒருவர் உயிரிழந்துள்ளதால் மக்களிடையே அச்சம் அதிகரித்துள்ளது.

கேரளாவில் கடந்த சில தினங்களாக நிபா வைரஸ் பரவி வருகிறது. கோழிக்கோடு மற்றும் மலப்புரம் மாவட்டங்களில் பலர் இந்த வைரஸ் தாக்குதலுக்கு ஆளாகியுள்ளனர்.

கோழிகோடு மாவட்டம், பெரும்பரா பகுதியில் உள்ள சூபிக்கடா கிராமத்தில் ஒரே குடும்பத்தைச் சேர்ந்த மூன்று பேருக்கு தான் முதலில் இந்த வைரஸ் தாக்கியுள்ளது. கடும் காய்ச்சல் ஏற்பட்டு இவர்கள் மூன்று பேரும் உயிரிழந்துள்ளனர். அவர்களில் ஒருவருக்கு சிகிச்சை அளித்த செவிலியர் ஒருவரும் தற்போது உயிரிழந்துள்ளார்.

உயிரிழந்த செவிலியர் லினி (வயது 31) பெரும்பரா தாலுகா மருத்துமனையில் பணி புரிந்து வந்தார். அப்போது நிபா வைரஸ் பாதிக்கப்பட்டவர்களில் அந்த மருத்துவமனைக்கு சிகிச்சைக்கு வந்துள்ளார். அவருக்கு சிகிச்சையளித்த செவலியர் லினி பின்னர் உடல் நலம் பாதிக்கப்பட்டு கோழிக்கோடு மருத்துவமனையில் அனுமதிக்கப்பட்டார். அங்கு அவர் சிகிச்சை பலனின்றி உயிரிழந்தார். அவர், நிபா வைரஸ் பாதிப்பால் உயிரழந்தது தற்போது உறுதியாகியுள்ளது.

பெரும்பராவில் ஒரு குடும்பத்தைச் சேர்ந்த மூன்று பேரும் அவர்கள் உறவினர்கள் இருவரும், சிகிச்சை அளித்த செவிலியர் ஒருவரும் என ஆக மொத்தம் 6 பேர் அந்த பகுதியில் உயிரிழந்துள்ளனர். இவர்கள் நிபா வைரஸ் தாக்குதலில் உயிரிழந்துள்ளதை கேரள அரசு அதிகாரபூர்வமாக அறிவித்துள்ளது.

இதுகுறித்து கேரள சுகாதாரத்துறை அமைச்சர் கே.கே சைலஜா கூறுகையில் ‘‘கோழிக்கோடு பகுதியில் நிபா வைரஸ் தாக்கில் 8 பேர் சிகிச்சை பெற்று வருகின்றனர். அவர்களுக்கு தீவிர சிகிச்சை அளிக்கப்பட்டு வருகிறது. நோய் தாக்குதல் அறிகுறி உள்ளவர்களின் ரத்த மாதிரி புனேயில் உள்ள தேசிய வைராலஜி சோதனைக் கூடத்தில் சோதனை செய்யப்பட்டு உறுதி செய்யப்படுகிறது. வைரஸ் தாக்குதல் பரவாமல் தடுக்க தேவையான நடவடிக்கை எடுக்கப்பட்டு வருகிறது’’ எனக் கூறினார்.

நிபா வைரஸ் தாக்குதல் தெரிந்தால் 0495-2376063 என்ற தொலைபேசி எண்ணில் தொடர்பு கொண்டு தகவலை தெரிவிக்குமாறு கேரள அரசு மக்களை கேட்டுக் கொண்டுள்ளது.

இதுமட்டுமின்றி கோழிக்கோடு மற்றும் மலப்புரம் மாவட்டங்களில் நிபா வைரஸ் பாதித்து மேலும் பலர் தனியார் மருத்துவமனைகளில் சிகிச்சை பெற்று வருவதாக கூறப்படுகிறது. சிலர் இறந்துள்ளதாகவும் கேரள ஊடகங்கள் செய்தி வெளியிட்டுள்ளன. அவர்கள் மரணத்திற்கு நிபா வைரஸ் காரணமா? என கேரள அரசு விசாரணை நடத்தி வருகிறது. இது உறுதி செய்யப்பட்டால் மரணமடைந்தோர் எண்ணிக்கை மேலும் அதிகரிக்க கூடும் என தெரிகிறது.
https://goo.gl/DTk8K6






27 Feb 2019

போர் பதற்றம்- காஷ்மீரில் பள்ளிகள், விமான நிலையங்கள் மூடல்

27 Feb 2019

பாகிஸ்தானின் போர் விமானத்தை சுட்டு வீழ்த்தியது இந்திய ராணுவம்- எல்லையில் தொடரும் பதற்றம்

26 Feb 2019

இந்திய எல்லைப் பகுதியில் உஷார் நிலையில் இருக்க பாதுகாப்புத்துறை அறிவுறுத்தல்

26 Feb 2019

பாகிஸ்தானில் இந்திய ராணுவம் நடத்திய தாக்குதல்: விமானப் படைக்கு குவியும் வாழ்த்துகள்

26 Feb 2019

எல்லை கட்டுப்பாடு பகுதியில் பயங்கரவாத முகாமை வெடிகுண்டு வீசி அழித்தது இந்திய விமானப்படை

19 Feb 2019

புல்வாமா தாக்குதலில் பலியான வீரரின் மகளைத் தத்தெடுத்த நெகிழவைத்த பிஹார் ஐஏஎஸ் அதிகாரி

19 Feb 2019

தேசவிரோத சட்டத்தில் 12-ம் வகுப்பு மாணவர் கைது - சமூக ஊடகங்களில் சர்ச்சைக் கருத்து

15 Feb 2019

பயங்கரவாதத்தை எதிர்ப்பதில் அரசுக்கு ஆதரவாக அனைவரும் ஒன்றிணைவோம் - ராகுல்காந்தி

15 Feb 2019

மாபெரும் தவறை செய்து விட்டனர், மிகப்பெரும் விலையை கொடுப்பார்கள்; பிரதமர் மோடி கடும் எச்சரிக்கை

15 Feb 2019

காஷ்மீரில் 44 ராணுவ வீரர்கள் பலி- இதுவரை நடக்காத மிகப்பெரிய தாக்குதல்