கோடைக்கால அழகு குறிப்புகள்

கோடைக்கால அழகு குறிப்புகள்

மற்ற எந்த நாட்களையும் விட கோடையில்தான் நமது சருமமும், கூந்தலும் அளவுக்கதிகமாக பாதிக்கப்படும். எனவே அவற்றுக்குப் பிரத்யேகக் கவனிப்பும், பராமரிப்பும் தேவை. மிக அதிக நேரம் வெயிலில் அலைபவர்களது சருமம் சீக்கி ரமே முதுமைத் தோற்றத்தை அடையவும், சருமப் புற்று நோயால் பாதிக்கப் படவும் வாய்ப்புகள் அதிகமாம்.

வெயிலில் எங்கே செல்ல நேர்ந்தாலும் தலைக்குத் தொப்பி அணிந்து போவது பாதுகாப்பானது.

கோடையின் பாதிப்பைத் தடுக்க சில அழகுக் குறிப்புகள் இதோ உங்களுக்காக....

சன் ஸ்க்ரின் லோஷன் உபயோகிக்கவும்:

மேக்கப் போட ஆரம்பிப்ப தற்கு முன்பே சன் ஸ்க்ரின் லோஷன் அல்லது கிரிம் தடவ வும். வெயிலின் பாதிப்பைத் தடுக்க இது மிக முக்கியம். எந்த சன் ஸ்க்ரினை உபயோகித்தாலும் அதன் பலன் மூன்று மணி நேரத்திற்கு மேல் நீடிக்காது. எனவே மறுபடி தடவ வேண்டும். முகத் தில் மட்டும் என்றில்லாமல் உடலில் வெயில் படக்கூடிய எல்லா இடங்களிலும் அதைத் தடவிக் கொள்ள வேண்டும்.

 மேக்கப் எச்சரிக்கை:

வெயிலின் சூடு காரண மாக நீங்கள் போட்டுக் கொள்கிற மேக்கப் வழியக் கூடும். இதைத் தடுக்க வாட்டர் ப்ரூஃப் மேக்கப் சாதனங்களை உபயோகிக்கலாம். முதலில் வாட்டர் ப்ரூஃப் பேஸ் தடவிவிட்டு அதன் மேல் மேக்கப் போடுங்கள். இதனால் மேக் கப் வெயிலில் வழியாமல் நீண்ட நேரம் நிலைத்திருக்கும்.

மஸ்காராவிலும் இப்போது வாட்டர் ப்ரூஃப் ரகம் வந்து விட்டது. அதை உப யோகிப்பதால் வெயிலினால் கண்கள் கலங்கியது மாதிரிக் காணப் படாமல் பளிச்சென இருக்கும்.

கண் இமைகளின் மேல் வாரம் ஒருநாள் இரவு வாசலின் கொண்டு மென்மையாக மசாஜ; செய்து விட்டுப்படுக்கவும். இது கண் இமைகள் வறண்டு போகாமல் தடுக்கும்.
லிப்ஸ்டிக், ஐ ஷோடோ போன்றவையும் வாட்டர் ப்ரூஃப் வகையாக இருக்கும் படி பார்த்துக் கொள்ளவும்.

கோடை மேக்கப்:

கோடை காலத்தில் கூடிய வரை மேக்கப்பைத் தவிர்ப்பது சருமத்திற்கு நல்லது. லிப்ஸ்டிக், பிளஷர் போன்றவற்றை சிகப்பு, மெரூன் போன்ற நிறங்களில் தேர்ந்தெடுக்காமல் லைட் ஷேடுகளாகப் பார்த்து உபயோகியுங்கள். மேட் ஃபினிஷ எனப்படும் ரகத்தைத் தவிர்த்து கிரிம் வடிவ ஐ ஷோடோ மற்றும் பிளஷர்களையே உபயோகியுங்கள்.

மேக்கப் ஸ்டிக்குகள் கோடைக்கு ஏற்றவை. அவ்வப்போது டச் செய்து கொள்ள வசதியானவை.

 கேசப் பராமரிப்பு:

காற்று, உப்புத் தண்ணீர், வியர்வை, மழை, வெயில் போன்றவை முடி வளர்ச்சிக்கு எதிரிகள். வெயில் காலத்தில் சருமத்தைப் பராமரிக்க எடுத்துக் கொள்ளும் அக்கறையில் சிறிதளவைக் கூட கூந்தலைக் காக்க நாம் எடுப்பதில்லை. சருமத்தை மாதிரியே கூந்தலுக்கும் சூரியனின் புற ஊதாக் கதிர்களின் பாதிப்பிலிருந்து பாதுகாப்பு அவசியம்.

வெயிலில் போகும் போது தலை முழுவதும் மூடும் படியான துணியால் கட்டிக் கொண்டு செல்வது நல்லது. வெயில் நாட்களில் கூந்தலுக்கு எண்ணெய் தடவாமல் விட வேண்டாம். வாரத்திற்கு மூன்று முறைகளாவது எண்ணெய் தடவலாம். ஒருநாள் விட்டு ஒரு நாள் தலைக்குக் குளிக்கலாம். வாரம் இரு முறை எண்ணெய்க் குளியல் எடுக்கலாம்.

கண்களைப் பாதுகாக்க:

சூரிய ஒளியின் தீவிரம் கண்களையும் விட்டு வைப்ப தில்லை. எனவே வெயிலில் போகும் போது சன் கிளாஸ் அணிய வேண்டியது அவசியம். அதிகம் வெயிலில் செல்லாதவர்களுக்கு என்றாவது ஒருநாள் படும் சூரிய வெளிச்சம் எந்த பாதிப்பையும் ஏற்படுத்தாது. ஆனால் அதிக நேரம் வெயிலில் அலைபவர்கள் கட்டாயம் கண்களுக்குக் கண்ணாடி அணிய வேண்டும். கண்களில் ஏதேனும் குறைபாடுகள் உள்ளவர்கள் அதற்கேற்ற கண்ணாடிகளை அணிய வேண்டும்.

 Sourse: http://eegarai.darkbb.com

https://goo.gl/dp9ayX






17 Jun 2019

சரும அழகு அதிகரிக்கவும் கருமை நீங்கவும் ஹெர்பல் ஃபேஸ்வாஷ்

06 Feb 2019

உதடு வெடிப்பு நீங்க சில வீட்டு மருத்துவ குறிப்புகள்

10 Jan 2019

கூந்தல் பட்டுப் போல் பளபளக்க | mudi palapalakka

01 Jan 2019

பொடுகுத் தொல்லையில் இருந்து விடுபட | podugu neenga beauty tips in tamil

27 Dec 2018

பனி காலத்தில் தோல் வறட்சியை தடுக்க பாட்டி வைத்தியம்

25 Dec 2018

குதிகால் வெடிப்பு நீங்கி மென்மையாக | kuthikal vedippu neenga

10 Dec 2018

முகத்தில் அடிக்கடி எண்ணெய் வடிவதை தடுக்க | mugathil ennai varuvathai thadukka

19 Sep 2018

தலைமுடியின் வளர்ச்சியை அதிகரிக்கவும் நீளமாகவும் வளரவும் ஆலிவ் ஆயில்

14 Sep 2018

மூக்கைச் சுற்றியுள்ள கரும்புள்ளிகளை நீக்க சில எளிய வழிகள்

02 Aug 2018

வயதான தோற்றம் மறைந்து இளமையாக மாற அழகு குறிப்பு