சென்செக்ஸ் 169 புள்ளிகள் உயர்வு

சென்செக்ஸ் 169 புள்ளிகள் உயர்வு
நாட்டின் பங்கு வியாபாரம் தொடர்ந்து நான்காவது தினமாக வெள்ளிக்கிழமை அன்றும் நன்றாக இருந்தது. மும்பை பங்குச் சந்தையின் குறியீட்டு எண் சென்செக்ஸ் 169 புள்ளிகள் அதிகரித்தது.

நடப்பு நிதி ஆண்டின் இரண்டாவது காலாண்டில் பொருளாதார வளர்ச்சி மூன்று ஆண்டுகளில் இல்லாத அளவிற்கு 5.3% குறைந்துள்ளது. கடந்த ஆறு மாதங்களில் தொழில்துறை உற்பத்தியில் நான்கு முறை பின்னடைவு ஏற்பட்டுள்ளது. பொறியியல் துறை உற்பத்தியில் கடந்த 13 மாதங்களில் ஒரு முறை மட்டுமே வளர்ச்சி ஏற்பட்டுள்ளது.

எனவே, பாரத ரிசர்வ் வங்கி முக்கிய கடனிற்கான வட்டியை குறைக்க வாய்ப்புள்ளது என பொருளியல் நிபுணர்கள் தெரிவித்துள்ளனர். இதனையடுத்து, வங்கிகளின் வட்டிச் செலவினம் குறையும் என்பதால், பாரத ஸ்டேட் வங்கி (1.78%), ஐ.சி.ஐ.சி.ஐ. வங்கி (1.56%), எச்.டீ.எஃப்.சி. வங்கி (0.70%) ஆகிய வங்கி பங்குகள் அதிக விலைக்கு கைமாறின. வட்டி விகிதம் குறைக்கப்படுவதால் நுகர்வோர் சாதனங்கள் விற்பனை அதிகரிக்கும் என்ற நிலைப்பாட்டால் இத்துறையைச் சேர்ந்த பல நிறுவனங்களின் பங்கு விலை உயர்ந்தது. மேலும், மின் துறையைச் சேர்ந்த பல நிறுவனங்களின் பங்குகளுக்கு தேவைப்பாடு காணப்பட்டது.

செப்டம்பர் மாதத்துடன் நிறைவடைந்த காலாண்டில், அமெரிக்க பொருளாதாரத்தில் முன்னேற்றம் ஏற்பட்டுள்ளது. இதனால், உலோகங்கள் விற்பனை அதிகரிக்கும். இதனையடுத்து, இத்துறையைச் சேர்ந்த ஸ்டெர்லைட் இண்டஸ்ட்ரீஸ், ண்டால்கோ இண்டஸ்ட்ரீஸ், டாட்டா ஸ்டீல் உள்ளிட்ட பல நிறுவன பங்குகள் விலை உயர்ந்தது. இந்தியாவின் கடன் பெறும் தகுதி ஸ்திரமாக இருக்கும் என மூடிஸ் நிறுவனம் அண்மையில் தெரிவித்துள்ளது. இதுவும் பங்கு வர்த்தகத்திகு வலுச் சேர்ப்பதாக அமைந்தது.
வர்த்தகம் முடியும்போது சென்செக்ஸ் 168.99 புள்ளிகள் உயர்ந்து 19,339.90 புள்ளிகளில் நிலை கொண்டது. வர்த்தகத்தின் இடையே அதிகபட்சமாக 19,372.70 புள்ளிகள் வரையிலும், குறைந்தபட்சமாக 19,186.30 புள்ளிகள் வரையிலும் சென்றது.

நிஃப்டி

தேசிய பங்குச் சந்தையின் குறியீட்டு எண் நிஃப்டி 54.85 புள்ளிகள் அதிகரித்து 5,879.85 புள்ளிகளில் நிலைபெற்றது. வர்த்தகத்தின் இடையே அதிகபட்சமாக 5,885.25 புள்ளிகளுக்கும், குறைந்தபட்சமாக 5,827.85 புள்ளிகளுக்கும் சென்றது. 
https://goo.gl/ntVuPv






10 May 2017

எஸ்பிஐ வங்கியில் வீட்டுக்கடனுக்கான வட்டி விகிதம் குறைப்பு

10 May 2017

ரயில் டிக்கெட்டுகள் கேஷ் ஆன் டெலிவரி - ஐஆர்சிடிசி அறிவிப்பு

09 May 2017

ஜிஎஸ்டி பதிவு முறை விரைவில் தொடங்கும் -மத்திய நிதி அமைச்சகம் அறிவிப்பு

27 May 2015

மார்ட்மொபியை வாங்கியது ஸ்நாப்டீல்

02 Mar 2015

முதல்முறையாக 9 ஆயிரம் புள்ளிகளை தொட்டது 'நிப்டி'

04 Nov 2014

புதிய உச்சத்தை எட்டியது சென்செக்ஸ்; 28 ஆயிரம் புள்ளிகளை தொட்டது

26 Oct 2014

தொடர்ந்து 6-வது நாளாக இந்திய பங்குச்சந்தைகள் உயர்வு

21 Sep 2014

தங்கம் விலை சரிவு - ஒரே மாதத்தில் சவரனுக்கு 1352 ரூபாய் குறைந்தது

25 May 2014

வர்த்தக தொடக்கத்தில் சென்செக்ஸ் 25,000 புள்ளிகளை தொட்டது

24 Apr 2014

23 ஆயிரத்தை நெருங்கும் சென்செக்ஸ்: தொடர்ந்து நான்காவது நாளாக புதிய உச்சத்தை தொடும் பங்குச்சந்தைகள்