"சென்செக்ஸ்' 34 புள்ளிகள் சரிவு

மும்பை:நாட்டின் பங்கு வியாபாரம், வாரத்தின் தொடக்க தினமான திங்கட்கிழமையன்று அதிக ஏற்ற, இறக்கத்துடன் காணப்பட்டது. மதியத்திற்கு பிறகு, முதலீட்டாளர்கள், லாப நோக்கம் கருதி பங்குகள் விற்பனை செய்ததை அடுத்து, பங்குச் சந்தைகளில் வர்த்தகம் சரிவுடன் முடிவடைந்தது.

கிரீஸ் நாடு, 1,300 கோடி டாலர் மதிப்பிலான கடன் பத்திரங்களை திரும்ப பெறுவதாக வெளியிட்ட அறிவிப்பு, சீனாவில், தயாரிப்பு துறை உற்பத்தி அதிகரித்துள்ளது போன்றவற்றால், ஐரோப்பிய நாடுகளில் பங்கு வர்த்தகம் விறுவிறுப்பாக இருந்தது. இருப்பினும், இதர ஆசியப் பங்குச் சந்தைகளில் வர்த்தகம், ஏற்ற, இறக்கத்துடனே இருந்தது.

நேற்றைய வர்த்தகத்தில், வங்கி, நுகர்பொருட்கள், நுகர்வோர் சாதனங்கள் ஆகிய துறைகளைச் சேர்ந்த நிறுவனப் பங்குகள் குறைந்த விலைக்கு கைமாறின. இருப்பினும், ரியல் எஸ்டேட், மின்சாரம், உலோகம் ஆகிய துறைகளைச் சேர்ந்த நிறுவனப் பங்குகளுக்கு ஓரளவிற்கு தேவை இருந்தது.

மும்பை பங்குச் சந்தையின் குறியீட்டு எண், வர்த்தகம் முடியும் போது, 34.58 புள்ளிகள் சரிவடைந்து, 19,305.32 புள்ளிகளில் நிலை கொண்டது. வர்த்தகத்தின் இடையே, இப்பங்குச்சந்தையின் குறியீட்டு எண், அதிகபட்சமாக, 19,416.45 புள்ளிகள் வரையிலும், குறைந்தபட்சமாக, 19,257.30 புள்ளிகள் வரையிலும் சென்றது.

"சென்செக்ஸ்' கணக்கிட உதவும் 30 நிறுவனங்களுள், எச்.டீ.எப்.சி., பேங்க், பார்தி ஏர்டெல், கெயில் உள்ளிட்ட 17 நிறுவனப் பங்குகளின் விலை சரிவடைந்தும், டாட்டா ஸ்டீல், ரிலையன்ஸ் உள்ளிட்ட 13 நிறுவனப் பங்குகளின் விலை உயர்ந்தும் இருந்தது.தேசிய பங்குச் சந்தையின் குறியீட்டு எண், "நிப்டி', 8.90 புள்ளிகள் குறைந்து, 5,870.95 புள்ளிகளில் நிலை பெற்றது. வர்த்தகத்தின் இடையே, அதிகபட்சமாக, 5,899.15 புள்ளிகள் வரையிலும், குறைந்தபட்சமாக, 5,854.60 புள்ளிகள் வரையிலும் சென்றது.
https://goo.gl/T9bNd2






10 May 2017

எஸ்பிஐ வங்கியில் வீட்டுக்கடனுக்கான வட்டி விகிதம் குறைப்பு

10 May 2017

ரயில் டிக்கெட்டுகள் கேஷ் ஆன் டெலிவரி - ஐஆர்சிடிசி அறிவிப்பு

09 May 2017

ஜிஎஸ்டி பதிவு முறை விரைவில் தொடங்கும் -மத்திய நிதி அமைச்சகம் அறிவிப்பு

27 May 2015

மார்ட்மொபியை வாங்கியது ஸ்நாப்டீல்

02 Mar 2015

முதல்முறையாக 9 ஆயிரம் புள்ளிகளை தொட்டது 'நிப்டி'

04 Nov 2014

புதிய உச்சத்தை எட்டியது சென்செக்ஸ்; 28 ஆயிரம் புள்ளிகளை தொட்டது

26 Oct 2014

தொடர்ந்து 6-வது நாளாக இந்திய பங்குச்சந்தைகள் உயர்வு

21 Sep 2014

தங்கம் விலை சரிவு - ஒரே மாதத்தில் சவரனுக்கு 1352 ரூபாய் குறைந்தது

25 May 2014

வர்த்தக தொடக்கத்தில் சென்செக்ஸ் 25,000 புள்ளிகளை தொட்டது

24 Apr 2014

23 ஆயிரத்தை நெருங்கும் சென்செக்ஸ்: தொடர்ந்து நான்காவது நாளாக புதிய உச்சத்தை தொடும் பங்குச்சந்தைகள்