`சென்செக்ஸ்' 49 புள்ளிகள் உயர்வு

`சென்செக்ஸ்' 49 புள்ளிகள் உயர்வு
நாட்டின் பங்கு வியாபாரம் வியாழக்கிழமை அன்ற ஓரளவிற்கு நன்றாக இருந்தது. மும்பை பங்குச் சந்தையின் குறியீட்டு எண் `சென்செக்ஸ்' 49 புள்ளிகள் அதிகரித்தது.

ஐரோப்பா மற்றும் இதர ஆசிய பங்குச் சந்தைகளில் வர்த்தகம் நன்றாக இருந்தது. நடப்பு நிதி ஆண்டின் இரண்டாவது காலாண்டில் `புளுசிப்' நிறுவனங்களின் நிதி நிலை முடிவுகள் நன்றாக உள்ளன. எடுத்துக்காட்டாக, மகிந்திரா - மகிந்திரா நிறுவனத்தின் நிகர லாபம் 22 சதவீதம் உயர்ந்துள்ளது. இதன் காரணமாக மோட்டார் வாகனத் துறையைச் சேர்ந்த பல நிறுவனங்களின் பங்கு விலை உயர்ந்தது.

தனியார் துறையை சேர்ந்த யெஸ் வங்கியின் நிகர லாபம் 30 சதவீதம் அதிகரித்ததையடுத்து பங்கின் விலை 4.29 சதவீதம் உயர்ந்தது. ஓரியண்டல் பேங்க் ஆஃப் காமர்ஸ் வங்கியின் நிகர லாபம் 80 சதவீதம் அதிகரித்ததையடுத்து பங்கின் விலை 7.05 சதவீதம் உயர்ந்தது. இதர வங்கிகளின் பங்குகளுக்கும் தேவைப்பாடு காணப்பட்டது. ரிசர்வ் வங்கி முக்கிய கடன்களுக்கான வட்டியை குறைக்கும் என்ற எதிர்பார்ப்பால், பொறியியல் துறையைச் சேர்ந்த நிறுவனங்களின் பங்குகளை முதலீட்டாளர்கள் அதிக அளவில் வாங்கினர்.

அதேசமயம் ரியல் எஸ்டேட், மருந்து ஆகிய துறைகளை சேர்ந்த பல நிறுவனங்களின் பங்கு விலை குறைந்தது. இல்லையென்றால், பங்கு வியாபாரத்தில் அதிக முன்னேற்றம் ஏற்பட்டு இருக்கும்.

கிங்பிஷர் ஏர்லைன்ஸ்

கடன் நெருக்கடியில் சிக்கி தவிக்கும் கிங்ஃபிஷர் ஏர்லைன்ஸ் பங்கின் விலை கடந்த நான்கு வர்த்தக தினங்களில் 17.5 சதவீதம் சரிவடைந்து ரூ.10.40-ஆக குறைந்து இருந்தது. இந்நிலையில், பணியாளர்கள் வேலையை மீண்டும் தொடர ஒப்புக்கொண்டதையடுத்து நேற்று இப்பங்கின் விலை 4.81 சதவீதம் அதிகரித்து ரூ.10.90-ல் நிலைபெற்றது.

வர்த்தகம் முடியும்போது `சென்செக்ஸ்' 48.61 புள்ளிகள் அதிகரித்து 18,758.63 புள்ளிகளில் நிலை கொண்டது. வர்த்தகத்தின் இடையே, அதிகபட்சமாக 18,789.92 புள்ளிகள் வரையிலும், குறைந்தபட்சமாக 18,699.07 புள்ளிகள் வரையிலும் சென்றது. இக்குறியீட்டு எண்ணை கணக்கிட உதவும் 30 நிறுவனங்களுள் 16 நிறுவனப் பங்குகளின் விலை உயர்ந்தும், 14 நிறுவனப் பங்குகளின் விலை குறைந்தும் இருந்தது.

நிப்டி

தேசிய பங்குச் சந்தையின் குறியீட்டு எண் `நிஃப்டி' 13.90 புள்ளிகள் உயர்ந்து 5,705.30 புள்ளிகளில் நிலைபெற்றது. வர்த்தகத்தின் இடையே, அதிகபட்சமாக 5,718.75 புள்ளிகளுக்கும், 5,685.70 புள்ளிகளுக்கும் சென்றது.
https://goo.gl/TtMnv6






10 May 2017

எஸ்பிஐ வங்கியில் வீட்டுக்கடனுக்கான வட்டி விகிதம் குறைப்பு

10 May 2017

ரயில் டிக்கெட்டுகள் கேஷ் ஆன் டெலிவரி - ஐஆர்சிடிசி அறிவிப்பு

09 May 2017

ஜிஎஸ்டி பதிவு முறை விரைவில் தொடங்கும் -மத்திய நிதி அமைச்சகம் அறிவிப்பு

27 May 2015

மார்ட்மொபியை வாங்கியது ஸ்நாப்டீல்

02 Mar 2015

முதல்முறையாக 9 ஆயிரம் புள்ளிகளை தொட்டது 'நிப்டி'

04 Nov 2014

புதிய உச்சத்தை எட்டியது சென்செக்ஸ்; 28 ஆயிரம் புள்ளிகளை தொட்டது

26 Oct 2014

தொடர்ந்து 6-வது நாளாக இந்திய பங்குச்சந்தைகள் உயர்வு

21 Sep 2014

தங்கம் விலை சரிவு - ஒரே மாதத்தில் சவரனுக்கு 1352 ரூபாய் குறைந்தது

25 May 2014

வர்த்தக தொடக்கத்தில் சென்செக்ஸ் 25,000 புள்ளிகளை தொட்டது

24 Apr 2014

23 ஆயிரத்தை நெருங்கும் சென்செக்ஸ்: தொடர்ந்து நான்காவது நாளாக புதிய உச்சத்தை தொடும் பங்குச்சந்தைகள்