சென்னையில் இரண்டு இடங்களில் வீட்டில் புகுந்து கத்திமுனையில் பெண்களுக்கு பாலியல் வன்கொடுமை

சென்னையில் இரண்டு இடங்களில் வீட்டில் புகுந்து கத்திமுனையில் பெண்களுக்கு பாலியல் வன்கொடுமை
சென்னையின் இரண்டு வெவ்வேறு இடங்களில் வீட்டில் தனியாக இருந்த பெண்களை வீடு புகுந்து கத்தியைக் காட்டி மிரட்டி பாலியல் வன்கொடுமை செய்துள்ளனர். இதில் ஒருவர் கைது செய்யப்பட்டார்.

சென்னை பாதுகாப்பற்ற நகரமாகி வருகிறதா என்ற கேள்வி அடிக்கடி நடக்கும் நிகழ்வுகள் நிரூபித்து வருகின்றன.


சாதாரணமாக இரவிலும், அதிகாலையிலும் ஆளரவமற்ற தனியான இடங்களில் பயந்து பயந்து செயின் பறித்த நபர்கள் துணிந்து பட்டப்பகலில் ஸ்கெட்ச் போட்டு பறித்துச்செல்வதும் அதை மற்ற வாகன ஓட்டிகள் வேடிக்கை பார்ப்பதும் நடந்தது.

அடுத்த கட்டமாக செல்போன் பறிப்புக்காக ஒரு மாணவர் நுங்கம்பாக்கத்தில் கொல்லப்பட்டதும், லாவண்யா என்பவர் பெரும்பாக்கத்தில் தாக்கப்பட்டு உயிருக்குப் போராடி பிழைத்ததும் நடந்தது.


அதன் பின்னர் சமீப காலமாக பெண்களைத் தாக்கி நகை பறிப்பது, ஆண்களை வெட்டி செல்போனை பறிக்கும் சம்பவங்களும் நடந்தன.

இதன் உச்சகட்டமாக வீட்டில் இருக்கும் பெண்களுக்கு பாதுகாப்பு இல்லாத நிலை உருவாகி உள்ளதை நேற்று சென்னையில் நடந்த இரண்டு சம்பவங்கள் உணர்த்துகின்றன.

முதல் சம்பவம் சென்னை தி. நகரில் நடந்துள்ளது. சென்னை சவுத் போக் சாலையில் வசிப்பவர் ரமேஷ் (38). இவரது மனைவி விஜயா (32) (பெயர் மாற்றப்பட்டுள்ளது). இவர்களுக்கு இரண்டு குழந்தைகள் உள்ளனர். ரமேஷ் அதே பகுதியில் தனியார் நிறுவனம் ஒன்றில் காவலாளியாகப் பணிபுரிந்து வருகிறார்.

நேற்றிரவு இரவு வேலைக்கு கிளம்பிச் சென்றார் ரமேஷ். வீட்டில் விஜயா மற்றும் இரு குழந்தைகளுடன் தனியாக இருந்தார். ரமேஷின் உறவினர் வினோத். இவர் அடிக்கடி வீட்டுக்கு வருவது வழக்கம். நேற்றும் வழக்கம் போல் இரவு வினோத் ரமேஷின் வீட்டுக்கு வந்துள்ளார். அவர் மது போதையில் இருந்துள்ளார்.

வீட்டில் ரமேஷ் இல்லை என்று தெரிந்த வினோத்துக்கு வினோத ஆசை எழுந்துள்ளது. மது போதையில் விஜயா தனிமையில் இருப்பது அறிந்து வெளியே வந்தவர் தனது நண்பர்கள் அருண், ஜெயச்சந்திரன் ஆகியோருடன் மீண்டும் வினோத் சென்றுள்ளார். மீண்டும் வந்த வினோத்தை உறவினர் தானே என சந்தியா வீட்டிற்குள் அழைத்துப் பேசியுள்ளார்.

அப்போது வினோத், சந்தியாவின் இரு குழந்தைகளைக் கொன்று விடுவேன் என்று மிரட்டி விஜயாவை பாலியல் பலாத்காரம் செய்துள்ளார். பின்னர் தப்பி ஓடிவிட்டார்.


வேலையை விட்டு வந்த தனது கணவர் ரமேஷிடம் தான் பாலியல் வன்கொடுமைக்கு உள்ளானதைக் கூறி விஜயா அழுதுள்ளார். இதையடுத்து ரமேஷ் விஜயாவை அழைத்துக்கொண்டு தி.நகர் அனைத்து மகளிர் காவல் நிலையத்தில் புகார் அளித்துள்ளார்.

இதையடுத்து போலீஸார் வினோத்தை கைது செய்தனர். இந்த சம்பவத்தின் அதிர்ச்சி குறைவதற்குள் அடுத்த அதிர்ச்சியாக சென்னை பாடி புதுநகரில் வசித்து வருபவர் ராதா (25)(பெயர் மாற்றப்பட்டுள்ளது). இவர் தனியார் மென்பொருள் நிறுவனத்தில் பணியாற்றி வருகிறார்.

இவர் மூன்றாண்டுகளாக தனியாக வசித்து வருகிறார். நேற்றிரவு இவர் பணி முடிந்து வீட்டில் தூங்கிக் கொண்டிருந்தார். நள்ளிரவு 2 மணி அளவில் வீட்டுக்குள் புகுந்த மர்ம நபர் வீட்டில் தூங்கிக் கொண்டிருந்த லதாவைப் பார்த்தவுடன் அவரைக் கத்திமுனையில் எழுப்பியுள்ளார்.

எழுந்த லதாவை மிரட்டி பாலியல் பலாத்காரத்தில் ஈடுபட்டுள்ளார். பின்னர் தப்பி ஓடிவிட்டார். இது குறித்து லதா ஜெ.ஜெ.நகர் காவல் நிலையத்தில் அளித்த புகாரின் பேரில் போலீஸார் வழக்குப் பதிவு செய்து தப்பி ஓடிய நபரைத் தேடி வருகின்றனர்.
https://goo.gl/p7MjUW






03 Jan 2019

கருணாநிதியின் அழகு தமிழுக்கு மயங்காதவர் யாரும் இல்லை; சட்டப்பேரவையில் இரங்கல் தீர்மானம் வாசிப்பு

02 Jan 2019

கூலிப்படை உதவியுடன் மகனை கொன்ற கள்ளக்காதலனை தீர்த்து கட்டிய பெண்

30 Dec 2018

சென்னையில் 15 ஆண்டுகளுக்குப்பின் மழையளவு 55 சதவீதம் குறைவு: கடும் குடிநீர் தட்டுப்பாடு அபாயம்

30 Dec 2018

அரசு நிர்வாகம் முற்றிலும் நிலை குலைந்துள்ளதற்கு எச்.ஐ.வி. ரத்த விவகாரமே சாட்சி - ஸ்டாலின்

27 Dec 2018

பொங்கல் பண்டிகைக்கு தமிழகம் முழுவதும் 24,708 சிறப்பு பேருந்துகளை இயக்க திட்டம் - அமைச்சர் விஜயபாஸ்கர்

27 Dec 2018

12-ம் வகுப்பு பொதுத்தேர்வில் முக்கிய பாடங்களின் தேர்வு நேரத்தில் அரைமணி நேரம் குறைப்பு

25 Dec 2018

குற்றவாளிகளை சுட்டுக் கொல்லும்படி ஆவேசமாக பேசிய முதல் அமைச்சர் குமாரசாமி

25 Dec 2018

வாட்ஸ்-அப் உரையாடல் ,இன்ஸ்பெக்டர் பிடியில் இருக்கும் மனைவியை மீட்டுத்தாருங்கள்” போலீசில் கணவர் புகார்

24 Dec 2018

கிளிஜோதிடர் நடுரோட்டில் வெட்டிக்கொலை தன்னுடன் வாழ்ந்த பெண்ணைப் பிரித்ததால் ஆத்திரம்: நோட்டீஸில் தகவல்

21 Dec 2018

தமிழக அமைச்சரவை கூட்டம் வருகிற 24ந்தேதி கூடுகிறது