டோக்லாம் எல்லையில் எதையும் சந்திக்க தயார்: அமைச்சர் நிர்மலா சீதாராமன் அதிரடி

டோக்லாம் எல்லையில் எதையும் சந்திக்க தயார்: அமைச்சர் நிர்மலா சீதாராமன் அதிரடி
டோக்லாம் எல்லையில் எத்தகைய சூழல் ஏற்பட்டாலும் அதை எதிர்கொள்வதற்கு இந்திய ராணுவம் தயார் நிலையில் உள்ளதாக பாதுகாப்புத் துறை அமைச்சர் நிர்மலா சீதாராமன் தெரிவித்துள்ளார்.

சிக்கிம் மாநிலம் மற்றும் சீனாவின் கட்டுப்பாட்டில் உள்ள திபெத் அருகேயுள்ள டோக்லாம் பகுதி, யாருக்குச் சொந்தம் என இந்தியாவிற்கும்  சீனாவிற்குமிடையே சர்ச்சை நிலவிவருகிறது.

 கடந்த ஆண்டு  ஜூன் மாதம் டோக்லாம் பகுதியில் சீன ராணுவம்  சாலை அமைத்து அவர்களது ராணுவ முகாம்களை அமைக்க பணிகளை மேற்கொண்டனர்.

இதற்கு இந்தியா ராணுவம் கடுமையாக எதிர்ப்பு தெரிவித்தது. இதனால் டோக்லாம் எல்லையில் பதட்டம் உண்டானது.

இதனையொட்டி  இரு நாடுகளும்  படைகளைக் குவித்ததால், போர் பதற்றம் உருவானது. அதன் பிறகு இது தொடர்பாக, பேச்சுவார்த்தை நடத்தி 73 நாள்களுக்குப் பிறகு இரு நாடுகளும் தங்களது படைகளை எல்லையிலிருந்து வாபஸ் பெற்றனர்.

இந்த நிலையில் அந்தப் பகுதியினை  சீனா மீண்டும் ஆக்கிரமிக்க முயற்சி செய்வதாக தற்போது தகவல் வெளியாகியுள்ளது.

இந்த நிலையில் உத்தரகண்ட் மாநிலம், டேராடூனில் தேசிய பாதுகாப்புத் துறை அகாடமிக்கான நுழைவுத் தேர்வை எழுதியுள்ள மாணவர்களை அமைச்சர் நிர்மலா சீதாராமன்  சந்தித்து  உரையாற்றினார். அப்போது அவர் பேசியதாவது

எத்தகைய தாக்குதலையும் சமாளிக்கும் வகையில் இந்திய ராணுவம் நவீனமயப்படுத்தப்பட்டு வருகிறது. பிராந்திய அமைதியை நிலைநிறுத்துவதில் இந்தியா உறுதியுடன் இருக்கிறது.


 டோக்லாம் எல்லையில் எத்தகைய நெருக்கடியான சூழலையும் எதிர்கொள்ள ராணுவம் தயார் நிலையில் இருக்கிறது.

டோக்லாம் பகுதியில் கட்டமைப்புப் பணிகளை மேற்கொள்ளத் தங்களுக்கு உரிமை இருப்பதாகச் சீனா கூறிவரும் நிலையில், அந்நாட்டுக்கு மறைமுகமாக எச்சரிக்கை விடுக்கும் வகையில் அமைச்சர் நிர்மலா சீதாராமன் இந்தக் கருத்தைத் தெரிவித்துள்ளார் என்பது குறிப்பிடத்தக்கது.
https://goo.gl/iAzsdc






27 Feb 2019

போர் பதற்றம்- காஷ்மீரில் பள்ளிகள், விமான நிலையங்கள் மூடல்

27 Feb 2019

பாகிஸ்தானின் போர் விமானத்தை சுட்டு வீழ்த்தியது இந்திய ராணுவம்- எல்லையில் தொடரும் பதற்றம்

26 Feb 2019

இந்திய எல்லைப் பகுதியில் உஷார் நிலையில் இருக்க பாதுகாப்புத்துறை அறிவுறுத்தல்

26 Feb 2019

பாகிஸ்தானில் இந்திய ராணுவம் நடத்திய தாக்குதல்: விமானப் படைக்கு குவியும் வாழ்த்துகள்

26 Feb 2019

எல்லை கட்டுப்பாடு பகுதியில் பயங்கரவாத முகாமை வெடிகுண்டு வீசி அழித்தது இந்திய விமானப்படை

19 Feb 2019

புல்வாமா தாக்குதலில் பலியான வீரரின் மகளைத் தத்தெடுத்த நெகிழவைத்த பிஹார் ஐஏஎஸ் அதிகாரி

19 Feb 2019

தேசவிரோத சட்டத்தில் 12-ம் வகுப்பு மாணவர் கைது - சமூக ஊடகங்களில் சர்ச்சைக் கருத்து

15 Feb 2019

பயங்கரவாதத்தை எதிர்ப்பதில் அரசுக்கு ஆதரவாக அனைவரும் ஒன்றிணைவோம் - ராகுல்காந்தி

15 Feb 2019

மாபெரும் தவறை செய்து விட்டனர், மிகப்பெரும் விலையை கொடுப்பார்கள்; பிரதமர் மோடி கடும் எச்சரிக்கை

15 Feb 2019

காஷ்மீரில் 44 ராணுவ வீரர்கள் பலி- இதுவரை நடக்காத மிகப்பெரிய தாக்குதல்