தங்கம் விலை கடும் சரிவு

தங்கம் விலை கடும் சரிவு
தங்கம் விலை நேற்று ஒரே நாளில் சவரனுக்கு ரூ.480 சரிந்தது. ஆபரண தங்கம் கிராம் ரூ.2977 ஆகவும், சவரன் ரூ.23,816 ஆகவும் இருந்தது.   தங்கம் விலை கடந்த செப்டம்பர் 8ம் தேதியன்று சவரன் ரூ.24 ஆயிரத்தை தொட்டது. அதன்பின், விலை கொஞ்சம், கொஞ்சமாக குறைந்து கொண்டே வந்து, அக்டோபரில் ரூ.23 ஆயிரத்துக்கு இறங்கியது. இதனால், தீபாவளிக்கு விற்பனை சூடுபிடித்தது. தீபாவளி முடிந்ததும் மீண்டும் விலை உயர்ந்தது. படிப்படியாக விலை அதிகரித்து கடந்த வாரம் ரூ.24 ஆயிரத்தை தொட்டது. அடுத்த 2 நாட்களில் சவரன் ரூ.24,544 ஆனது.

இந்நிலையில், சர்வதேச சந்தையில் தங்கம் விற்பனை தொடர்ந்து குறைந்ததால் விலை சரிந்தது. இதன் எதிரொலியாக கடந்த 3 நாட்களாக இந்திய சந்தைகளிலும் தங்கம் விலை குறைந்து வருகிறது. மேலும், தீபாவளி முடிந்ததும் விற்பனையும் குறைந்தது. இதனால், கிறிஸ்துமஸ், புத்தாண்டு விற்பனையை கருத்தில் கொண்டு வியாபாரிகள் விலையை குறைத்துள்ளனர்.

நேற்று முன் தினம் சவரனுக்கு ரூ.176 குறைந்து ரூ.24,296 ஆக இருந்தது. நேற்று அதிரடியாக சவரனுக்கு ரூ.480 குறைந்து ரூ.23,816 ஆனது. இம்மாத இறுதி வரை இதே நிலை நீடிக்கலாம் என்றும், அதிக அளவில் விலை உயர வாய்ப்பில்லை என்றும் தங்க நகை வியாபாரிகள் தெரிவித்தனர். வெள்ளியும் நேற்று ஒரே நாளில் கிலோவுக்கு ரூ.1005 குறைந்து ரூ.64,095 ஆனது. கிராம் ரூ.68.60 ஆக இருந்தது.
https://goo.gl/nicigm






10 May 2017

எஸ்பிஐ வங்கியில் வீட்டுக்கடனுக்கான வட்டி விகிதம் குறைப்பு

10 May 2017

ரயில் டிக்கெட்டுகள் கேஷ் ஆன் டெலிவரி - ஐஆர்சிடிசி அறிவிப்பு

09 May 2017

ஜிஎஸ்டி பதிவு முறை விரைவில் தொடங்கும் -மத்திய நிதி அமைச்சகம் அறிவிப்பு

27 May 2015

மார்ட்மொபியை வாங்கியது ஸ்நாப்டீல்

02 Mar 2015

முதல்முறையாக 9 ஆயிரம் புள்ளிகளை தொட்டது 'நிப்டி'

04 Nov 2014

புதிய உச்சத்தை எட்டியது சென்செக்ஸ்; 28 ஆயிரம் புள்ளிகளை தொட்டது

26 Oct 2014

தொடர்ந்து 6-வது நாளாக இந்திய பங்குச்சந்தைகள் உயர்வு

21 Sep 2014

தங்கம் விலை சரிவு - ஒரே மாதத்தில் சவரனுக்கு 1352 ரூபாய் குறைந்தது

25 May 2014

வர்த்தக தொடக்கத்தில் சென்செக்ஸ் 25,000 புள்ளிகளை தொட்டது

24 Apr 2014

23 ஆயிரத்தை நெருங்கும் சென்செக்ஸ்: தொடர்ந்து நான்காவது நாளாக புதிய உச்சத்தை தொடும் பங்குச்சந்தைகள்