தங்கத்தின் விலை தொடர்ந்து அதிகரித்து வருகிறது. தங்கம் நேற்று ஒரே நாளில் பவுனுக்கு ரூ.200 அதிகரித்தது.

ஆடி மாதத்தில் திருமணம் போன்ற சுபகாரியங்களை மக்கள் யாரும் நடத்த முன் வருவதில்லை. இதன்காரணமாக தங்கத்தின் விலை சற்று குறைந்து இருந்து வந்தது. தற்போது ஆடி மாதம் முடிந்து ஆவணி மாதம் தொடங்கியதால் திருமணம் போன்ற சுப நிகழ்ச்சிகள் அன்றாடம் நடந்து வருகிறது. இதன் காரணமாக தங்கத்தின் விலையும் தொடர்ந்து ஏறுமுகமாக இருந்து வருகிறது.

சென்னையில் நேற்று முன்தினம் ரூ.22 ஆயிரத்து 752-க்கு விற்கப்பட்ட ஒரு பவுன் தங்கம், நேற்று ஓரே நாளில் ரூ.200 விலை உயர்ந்து, பவுன் ரூ.22 ஆயிரத்து 952-க்கு விற்பனை செய்யப்பட்டது.

திருமணம் சீசன் தொடங்கியுள்ளதால் தங்கத்தின் விலை மேலும் உயர வாய்ப்புள்ளதாகவும், விரைவில் தங்கத்தின் விலை ரூ.23 ஆயிரத்தை தொடும் என்று நகைக்கடை வியாபாரிகள் கருத்து தெரிவித்துள்ளனர்.

தங்கத்தின் விலையை போன்றே வெள்ளி விலையும் தொடர்ந்து மின்னல் வேகத்தில் ஏறி வருகிறது. சென்னையில் நேற்றுமுன்தினம் ரூ.55 ஆயிரத்து 325-க்கு விற்பனை செய்யப்பட்ட ஒரு கிலோ வெள்ளி, நேற்று ஒரே நாளில் ரூ.1080 விலை உயர்ந்து, ரூ.56 ஆயிரத்து 405-க்கு விற்கப்பட்டது.

https://goo.gl/BRYY9Q