போனில் மகனை வரவழைத்து விட்டு திருச்சி தொழில் அதிபர் மனைவியுடன் தற்கொலை

போனில் மகனை வரவழைத்து விட்டு திருச்சி தொழில் அதிபர் மனைவியுடன் தற்கொலை
திருச்சி கே.கே.நகர் அய்யப்பநகர், தேவர் தெருவை சேர்ந்தவர் வெங்கடேசன் (வயது 62). இவரது மனைவி லீலா.


இந்த தம்பதியினரின் ஒரே மகன் ராஜேஷ் (22). என்ஜினீயரிங் முடித்த இவர் ஐ.ஏ.எஸ். போட்டித்தேர்வுக்காக சென்னையில் தங்கி படித்து வருகிறார்.

வெங்கடேசன் வீடுகள் கட்டி விற்கும் தொழில் செய்து வந்தார். லீலா குடும்ப தலைவியாவார்.இந்தநிலையில் வெங்கடேசனுக்கு தொழிலில் நஷ்டம் ஏற்பட்டது.


கட்டிய வீடுகள் சில விற்பனையாகாமல் இருந்தது. வீடு கட்டுவதற்காக அவர் வங்கி மற்றும் தனிநபர்களிடம் ரூ.3 கோடி வரை கடன் வாங்கியதாக கூறப்படுகிறது.

கட்டிய வீடுகள் விற்பனையாகாமல் இருந்ததால் கடனுக்கு வட்டி ஏறியது. மேலும் கடனை திருப்பி செலுத்த முடியாத நிலையில், கடன் கொடுத்தவர்கள் திருப்பி கேட்க தொடங்கினர்.


வங்கியில் இருந்தும் கடனை திருப்பி செலுத்த அறிவுறுத்தியதாக கூறப்படுகிறது. கடன் தொல்லை காரணமாக அவர் தற்கொலை செய்ய நினைத்து, இதனை தனது மனைவியிடமும் தெரிவித்தார்.

இதையடுத்து இருவரும் தற்கொலை செய்து கொள்வது என்ற முடிவை எடுத்தனர். இருப்பினும் தங்களின் ஒரே மகனை நினைத்து இருவரும் கண்ணீர் சிந்தினர்.

பின்னர் மனதை தேற்றிக்கொண்டு, சென்னையில் உள்ள மகன் ராஜேசை செல்போனில் தொடர்பு கொண்டு திருச்சி வருமாறும், பழனி கோவிலுக்கு செல்ல வேண்டும் என்றும் தந்தை வெங்கடேசன் கூறினார்.


இதையடுத்து அவர் சென்னையில் இருந்து புறப்பட்டு திருச்சிக்கு நேற்று முன்தினம் இரவு வந்தார்.

அங்கு வீட்டின் கதவு பூட்டப்பட்டிருந்ததால், ராஜேஷ் தனது தந்தையின் செல்போனை தொடர்புகொண்ட போது அது அணைத்து வைக்கப்பட்டிருந்தது. இதனால் அதிர்ச்சியடைந்த அவர் ஜன்னல் வழியாக எட்டிப்பார்த்தார்.

அங்கு வீட்டில் ஊஞ்சல் கம்பியில் தந்தை வெங்கடேசன், தாய் லீலா இருவரும் தூக்கில் பிணமாக தொங்கியதை பார்த்து கதறி அழுதார்.


இதையடுத்து அக்கம், பக்கத்தினரும் அங்கு வந்தனர். பின்னர் பூட்டிய கதவை உடைத்துக்கொண்டு உள்ளே சென்ற ராஜேஷ், தாய் மற்றும் தந்தையின் உயிரற்ற உடல்களை பார்த்து கண்ணீர் விட்டு கதறி அழுதது அங்கிருந்தவர்களின் கண்களை குளமாக்கியது.

இந்த சம்பவம் குறித்து தகவல் அறிந்ததும் கே.கே.நகர் போலீசார் விரைந்து வந்து தற்கொலை செய்த கணவன், மனைவியின் உடலை கைப்பற்றி பிரேத பரிசோதனைக்காக திருச்சி அரசு மருத்துவமனைக்கு அனுப்பி வைத்தனர்.

இதற்கிடையில் வீட்டில் இருந்து ஒரு கடிதத்தை போலீசார் கைப்பற்றினர். அந்த கடிதத்தை தற்கொலை செய்து கொள்வதற்கு முன் வெங்கடேசன் எழுதி இருப்பதாக கூறப்படுகிறது.


அந்த கடிதத்தில் எங்களது (வெங்கடேசன்-லீலா) உடல்களை மீண்டும் இந்த வீட்டிற்கு கொண்டு வர வேண்டாம். நாங்கள் இறந்ததை உறவினர்கள் யாருக்கும் சொல்ல வேண்டாம் என எழுதி இருந்ததாக போலீசார் தெரிவித்தனர்.

திருச்சி அரசு மருத்துவமனையில் 2 பேரின் உடல்களும் பிரேத பரிசோதனை செய்யப்பட்டன. அப்போது அவர்களது உறவினர்கள் சோகத்துடன் மருத்துவமனை வளாகத்தில் நின்று கொண்டிருந்தனர்.


பிரேத பரிசோதனை முடிந்ததும் 2 பேரின் உடல்களும் ராஜேஷ் மற்றும் உறவினர்களிடம் ஒப்படைக்கப்பட்டது. இதைத்தொடர்ந்து உடல்களை நேரடியாக ஓயாமரி சுடுகாட்டிற்கு எடுத்துச்சென்று இறுதிச்சடங்குகள் செய்யப்பட்டன.

குடும்பத்துடன் தற்கொலை செய்யும் முடிவுடன் வெங்கடேசன் தனது மகனையும் திருச்சிக்கு அழைத்திருக்கலாம் என்றும், ஆனால் கடைசியில் மகனை விட்டு, விட்டு மனைவியுடன் அவர் தற்கொலை முடிவை எடுத்திருக்கலாம் என்றும் போலீசார் கருதுகிறார்கள்.


கணவன்- மனைவி தற்கொலை செய்து கொண்ட சம்பவம் அப்பகுதியில் சோகத்தை ஏற்படுத்தியது.
https://goo.gl/7PUkoo






03 Jan 2019

கருணாநிதியின் அழகு தமிழுக்கு மயங்காதவர் யாரும் இல்லை; சட்டப்பேரவையில் இரங்கல் தீர்மானம் வாசிப்பு

02 Jan 2019

கூலிப்படை உதவியுடன் மகனை கொன்ற கள்ளக்காதலனை தீர்த்து கட்டிய பெண்

30 Dec 2018

சென்னையில் 15 ஆண்டுகளுக்குப்பின் மழையளவு 55 சதவீதம் குறைவு: கடும் குடிநீர் தட்டுப்பாடு அபாயம்

30 Dec 2018

அரசு நிர்வாகம் முற்றிலும் நிலை குலைந்துள்ளதற்கு எச்.ஐ.வி. ரத்த விவகாரமே சாட்சி - ஸ்டாலின்

27 Dec 2018

பொங்கல் பண்டிகைக்கு தமிழகம் முழுவதும் 24,708 சிறப்பு பேருந்துகளை இயக்க திட்டம் - அமைச்சர் விஜயபாஸ்கர்

27 Dec 2018

12-ம் வகுப்பு பொதுத்தேர்வில் முக்கிய பாடங்களின் தேர்வு நேரத்தில் அரைமணி நேரம் குறைப்பு

25 Dec 2018

குற்றவாளிகளை சுட்டுக் கொல்லும்படி ஆவேசமாக பேசிய முதல் அமைச்சர் குமாரசாமி

25 Dec 2018

வாட்ஸ்-அப் உரையாடல் ,இன்ஸ்பெக்டர் பிடியில் இருக்கும் மனைவியை மீட்டுத்தாருங்கள்” போலீசில் கணவர் புகார்

24 Dec 2018

கிளிஜோதிடர் நடுரோட்டில் வெட்டிக்கொலை தன்னுடன் வாழ்ந்த பெண்ணைப் பிரித்ததால் ஆத்திரம்: நோட்டீஸில் தகவல்

21 Dec 2018

தமிழக அமைச்சரவை கூட்டம் வருகிற 24ந்தேதி கூடுகிறது