9 தினங்களாக மேற்கொண்ட தர்ணா போராட்டத்தை கைவிட்டார் கெஜ்ரிவால்

9 தினங்களாக மேற்கொண்ட தர்ணா போராட்டத்தை கைவிட்டார் கெஜ்ரிவால்
டெல்லியில் ஐ.ஏ.எஸ். அதிகாரிகளின் போராட்டத்தை முடிவுக்கு கொண்டு வரக்கோரியும், ரேஷன் பொருட்களை நேரடியாக வீட்டுக்கே சென்று வழங்கும் திட்டத்துக்கு ஒப்புதல் கேட்டும் துணைநிலை கவர்னர் அனில் பைஜாலின் அலுவலகத்தில் முதல்-மந்திரி அரவிந்த் கெஜ்ரிவால் கடந்த 11-ந்தேதி முதல் தர்ணா போராட்டம் நடத்தி வருகிறார்.

அவருடன் போராட்டத்தில் ஈடுபட்டுள்ள துணை முதல்-மந்திரி மணிஷ் சிசோடியா, மந்திரி சத்யேந்தர் ஜெயின் இருவரும் காலவரையற்ற உண்ணாவிரதத்தில் ஈடுபட்டு உள்ளனர். ஒரு வாரத்துக்கும் மேலாக நீடித்து வரும் இந்த போராட்டம் டெல்லி அரசியலில் பெரும் பரபரப்பை ஏற்படுத்தி உள்ளது.

கெஜ்ரிவாலின் போராட்டத்துக்கு எதிராக ஹரிநாத் ராம் என்ற வக்கீல் டெல்லி ஐகோர்ட்டில் வழக்கு தொடர்ந்துள்ளார். மேலும் எதிர்க்கட்சி தலைவர் விஜேந்தர் குப்தா உள்ளிட்டோர் சார்பிலும் மனுத்தாக்கல் செய்யப்பட்டு உள்ளது. இதைப்போல ஐ.ஏ.எஸ். அதிகாரிகளின் போராட்டத்துக்கு எதிராக உமேஷ் குப்தா என்ற வக்கீலும் ஐகோர்ட்டை அணுகி உள்ளார்.

இந்த மனுக்கள் அனைத்தும் நேற்று நீதிபதிகள் ஏ.கே.சாவ்லா, நவின் சாவ்லா ஆகியோர் அடங்கிய அமர்வு முன்பு விசாரணைக்கு வந்தது. அப்போது கெஜ்ரிவாலின் போராட்டத்தை நீதிபதிகள் கடுமையாக கண்டித் தனர். பின்னர் இந்த வழக்கில் இடைக்கால உத்தரவு எதுவும் பிறப்பிக்காத நீதிபதிகள், வழக்கின் விசாரணையை 22-ந்தேதிக்கு ஒத்திவைத்தனர்.

இந்த நிலையில், 9 நாட்களாக மேற்கொண்டு வந்த தர்ணா போராட்டத்தை அரவிந்த் கெஜ்ரிவால் இன்று முடித்துக்கொண்டார். கவர்னர் அறிவுறுத்தலை ஏற்று தர்ணா போராட்டத்தை கெஜ்ரிவால் கைவிட்டுள்ளதாக தகவல்கள் கூறுகின்றன.  தலைமைச்செயலக ஐ.ஏ.எஸ் அதிகாரிகளுடன் பேச்சுவார்த்தை நடத்த கவர்னர் அறிவுறுத்தியதால் போராட்டத்தை முடித்துக்கொண்டதாகவும் கூறப்படுகிறது.


https://goo.gl/GdzKrj






02 Jan 2019

ரபேல் ஊழல் விவகாரத்தில் பிரதமரை காப்பாற்ற அதிமுக எம்பிக்கள் முயற்சி - ராகுல் பகிரங்க குற்றச்சாட்டு

24 Dec 2018

தலித் இளைஞரை திருமணம் செய்த மகளை எரித்துக்கொன்ற தந்தை கைது

21 Dec 2018

ரூ.50 லட்சம் கேட்டு கடத்தப்பட்ட 6 வயது சிறுவன் எரித்துக் கொலை

21 Dec 2018

15 வயது சிறுமி கற்பழிப்பு வழக்கில் பீகார் எம்.எல்.ஏ.வுக்கு ஆயுள் தண்டனை

18 Dec 2018

ஐபிஎல் ஏலம் : அதிக விலை போன இந்திய பந்து வீச்சாளர்கள்

14 Dec 2018

4 வது மாடியில் இருந்து குதித்து பிரபல டிவி தொகுப்பாளினி தற்கொலை

13 Dec 2018

தெலங்கானா முதல்வராக தொடர்ந்து 2-வது முறையாக சந்திரசேகர் ராவ் பதவி ஏற்றார்

11 Dec 2018

பா.ஜனதா 5 ஆண்டுகளாக எதையும் செய்யவில்லை என்பதை மக்கள் உறுதியளித்துள்ளனர் -சந்திரபாபு நாயுடு

11 Dec 2018

பா.ஜ.க. செல்வாக்கு இழந்து விட்டதையே 5 மாநில தேர்தல் முடிவுகள் காட்டுகிறது - ரஜினி

10 Dec 2018

பா.ஜனதாவை வீழ்த்த 14 கட்சி கூட்டணி- டெல்லியில் இன்று முக்கிய ஆலோசனை